[ exact phrase in "" • results by date ]

[ Google-powered • results by relevance ]



LOCATION/TYPE

News Home
Archive
RSS

Subscribe to RSS feed

Add NWW headlines to your site (click here)

Sign up for daily updates

Keep Wind Watch online and independent!

Donate $10

Donate $5

Selected Documents

All Documents

Research Links

Alerts

Press Releases

FAQs

Publications & Products

Photos & Graphics

Videos

Allied Groups

Míshástacht faoi fheirm ghaoithe in aice le Guagán Barra  

Credit:  Dé Máirt, 15 Feabh 2022, rte.ie ~~

[Dissatisfaction with wind farm near Guagán Barra, Co. Cork]

Tá daoine i nGaeltacht Mhúscraí ag féachaint an féidir leo dúshlán ardchúirte a thabhairt i gcoinne fheirm ghaoithe, luach €30m atá á beartú in aice le Guagán Barra, Co. Chorcaí, ceann de na láithreacha oidhreachta is aitheanta sa tír.

Tugann na míllte duine sa bhliain idir shluaite cnocadóireachta, thurasóireachta agus oilithreachta cuairt ar Ghuagán Barra in iarthar an chontae.

Tá cead tugtha ag an Bhord Pleanála go dtógfaí 7 dtuirbín 178.5 méadar in airde trí chiliméadar ó Aireagal Naomh Fionnbarra, áit a raibh díseart an Naoimh sa 6ú hAois.

Cheadaigh an Bord Pleanála achomharc ar son na forbartha a rinne ‘Wingleaf Teoranta’ ainneoin gur mhol a gCigire Pleanála féin a mhalairt.

Dhiúltaigh Comhairle Contae Chorcaí don iarratas arú anuraidh.

Ina chinneadh, dúirt an Bord Pleanála go mba threise a mbuntáistí ná a míbhuntaistí.

Tá achainí i gcoinne na forbartha a thosaigh Comhlacht Forbartha Bhéal Átha an Ghaorthaidh sínithe ag 7,600+ duine.

Ina chinneadh, níor aontaigh an Bord Pleanála leis an smaointeoireacht go gcuirfeadh an fhorbairt isteach ar oidhreacht, éanlaith nó turasóireacht.

Dúirt siad go gcuirfeadh sí le straitéis an Stáit maidir le fuinnimh inathnuaite.

Is mian leis an Stát go dtiocfaidh 80% dár leictreachas ó fhoinsí inathnuaite faoin bhliain 2030.

Tá 10 mbliana ag ‘Wingleaf Teoranta’ leis an fheirm ghaoithe a thógáil ar shuíomh 622 heicteár.

Maíonn an comhlacht cheana go bhféadfaí suas le 70 post a chruthú le linn na tógála a mhairfeadh 18 mí.

Luadh freisin go gcuirfí ciste pobail, luach €1.8m ar fáil thar 30 bliain – saolré an togra.

I bplé a rinneadh ar an cheist sa Dáil, dúirt an tAire Stáit Peter Burke go bhfuil cosc air faoin dlí a ladhar a chur sa scéal.

‘Ní féidir teacht ar Ghuagán eile ach is féidir teacht ar áiteanna eile i gcomhair fheirmeacha gaoithe,’ a dúirt an Teachta, Aindrias Ó Muineacháin.

Tá athbhreithniú ar bun ag an Stát ar threoirlínte a bhaineann le feirmeacha gaoithe a fhorbairt.

Tá na treoirlínte seo ann ó 2006.

Tá Coiste Forbartha Bhéal Átha an Ghaorthaidh le cinneadh a dhéanamh faoi dheireadh na seachtaine seo an dtabharfaidh siad dúshlán ardchúirte i gcoinne na forbartha.

Source:  Dé Máirt, 15 Feabh 2022, rte.ie

This article is the work of the source indicated. Any opinions expressed in it are not necessarily those of National Wind Watch.

The copyright of this article resides with the author or publisher indicated. As part of its noncommercial effort to present the environmental, social, scientific, and economic issues of large-scale wind power development to a global audience seeking such information, National Wind Watch endeavors to observe “fair use” as provided for in section 107 of U.S. Copyright Law and similar “fair dealing” provisions of the copyright laws of other nations. Send requests to excerpt, general inquiries, and comments via e-mail.

Wind Watch relies entirely
on User Funding
Donate $5 PayPal Donate

Share:

Tag: Video


News Watch Home

Get the Facts Follow Wind Watch on Twitter

Wind Watch on Facebook

Share

CONTACT DONATE PRIVACY ABOUT SEARCH
© National Wind Watch, Inc.
Use of copyrighted material adheres to Fair Use.
"Wind Watch" is a registered trademark.
Share

 Follow: