[ exact phrase in "" • results by date ]

[ Google-powered • results by relevance ]


LOCATION/TYPE

News Home
Archive
RSS

Subscribe to RSS feed

Add NWW headlines to your site (click here)

Sign up for daily updates

Keep Wind Watch online and independent!

Donate $10

Donate $5

Selected Documents

All Documents

Research Links

Alerts

Press Releases

FAQs

Publications & Products

Photos & Graphics

Videos

Allied Groups

Míshásamh faoi chomharthaí i nDaraidh Braoin  

Credit:  26 BEALTAINE 2021, Le Tomás Ó Mainnín, tg4.ie ~~

[People in Derrybrien say they can’t cut peat after the Electric Supply Board put up signs saying it’s the turf-cutting that destabilizes the mountain, where in 2003 the erection of wind turbines caused a major peat slide.]

Deir daoine i gcomharsanacht Dharaidh Braoin i ndeisceart na Gaillimhe ná fuilid ábalta móin a bhaint i mbliana ar an sliabh ansan de bharr comharthaí atá curtha in airde ag Bord Soláthair an Leictreachais.

Deirtear ar na comharthaí go bhfuil an sliabh éagobhsaí mar gheall ar bhaint móna.

Is ann a tharla sciorradh mór sléibhe nuair a bhí ionad muilte gaoithe á thógaint ann in 2003.

Tá 71 muileann gaoithe ar an suíomh gur le fochomhlacht de chuid Bhord Soláthair an Leictreachais iad.

Nuair a bhíothas á dtógaint do sciorr na mílte tonnaí móna anuas an sliabh.

Tugadh cás dlí in agaidh na bhforbróirí agus ghearr Cúirt Bhreithiúnais an Aontais Eorpaigh fíneáil €5 mhilliún ar an dtír seo de bharr ná raibh staidéar tionchair timpeallachta déanta ar an suíomh.

Deir muintir na háite, áfach, go bhfuil daoine ag baint móna leis na glúinte ar an bportach agus ná raibh aon éagobhsaíocht ag baint leis an áit nó go dtáinig Bord Soláthair an Leictreachais.

Deir Martin Collins, fear go bhfuil ceart bainte móna aige ar an sliabh, nach iad lucht bainte móna is cúis leis an éagobhsaíocht ar an bportach in aon chor.

Níl aon duine ag baint móna i mbliana, áfach, a deir sé, mar gheall ar an léamh dlí atáthar a bhaint as na comharthaí.

Dar leis go bhfuil suas le 30 teaghlach ceal móna anois agus go gcaithfidh siad díol as malairt portaigh nó foinse eile teasa. Deir sé leis go bhfuil daoine ag lorg comhairle dlí anois.

Tá sé tugtha le fios ag Bord Soláthair an Leictreachais go bhfuil iarratas curtha faoi bhráid an Bhoird Phleanála acu maidir leis an ionad.

Deirid go ndeineadh staidéar neamhspléach ar bhuanseasamhacht an phortaigh agus gur léirigh sé go bhfuil baol ann fós mar gheall ar bhaint móna le hinnealra trom.

Deir an comhlacht go gcuireadh in airde na comharthaí chun é sin a chur in iúl don bpobal agus ná raibh aon treoir tugtha acu do lucht bainte móna éirí as.

Tá ceann dos na comharthaí ar a laghad loite le péint.

Source:  26 BEALTAINE 2021, Le Tomás Ó Mainnín, tg4.ie

This article is the work of the source indicated. Any opinions expressed in it are not necessarily those of National Wind Watch.

The copyright of this article resides with the author or publisher indicated. As part of its noncommercial effort to present the environmental, social, scientific, and economic issues of large-scale wind power development to a global audience seeking such information, National Wind Watch endeavors to observe “fair use” as provided for in section 107 of U.S. Copyright Law and similar “fair dealing” provisions of the copyright laws of other nations. Send requests to excerpt, general inquiries, and comments via e-mail.

Wind Watch relies entirely
on User Funding
Donate $5 PayPal Donate

Share:


News Watch Home

Get the Facts Follow Wind Watch on Twitter

Wind Watch on Facebook

Share

CONTACT DONATE PRIVACY ABOUT SEARCH
© National Wind Watch, Inc.
Use of copyrighted material adheres to Fair Use.
"Wind Watch" is a registered trademark.
Share

 Follow: