November 3, 2015
Norway

Windmill in Fitjar totally burned in the night

Vindmølle i Fitjar totalt utbrend i natt; Generatorhuset er heilt borte | Geir Rommetveit | Sunnhordland | Publisert 31.10.2015 | www.sunnhordland.no

Seint i natt byrja det å brenna i ei av dei 44 vindmøllen i Midtfjellet vindpark i Fitjar. Vindmølla som brann står lengst nordvest i parken.

– Ja, frå terrassen vår såg me at det var kraftige flammar frå toppen av vindmølla. Flammane gav seg før det vart lyst.

Vakthavande for Fitjar brannvesen, Johan Nilsen, var ein av dei som køyrde opp til vindmølla.

– Då me kom fram, hadde brannen gitt seg. Men uansett veit me at det er umogeleg for oss å sløkkja brann i ei vindmølle.

Kraftlagsfolk som var der, konstaterte at vindmølla hadde gått i nedstengtmodus , slik ho skal gjera når noko er gale. Me stengde av området rundt vindmølla, for det er farleg for folk å gå nær denne no, seier Johan Nilsen.

Politiet opplyser at dei går ut frå at brannen skuldast teknisk feil, men at dei neste veke skal gjera nærare undersøkingar.

Foto: JOHAN H NILSEN

Dagleg leiar i Midtfjellet vindpark, Erik Mortensen, seier dei no har stansa alle vindmøllene.

– Ja, dei må no stå fram til Nordex, som har levert dei og har drifts- og vedlikehaldet, har funne årsaka til denne brannen.

– Noko taper me, det er sikkert. Men me har forsikring, seier Erik Mortensen, som sjølv ikkje kan seia noko om kvifor generatoren brann opp.

Johan Nilsen i Fitjar brannvesen oppmodar folk til å ikkje gå opp for å sjå på vindmølla fordi det ennå er stor fare for at det kan falla ned restar i stor radius frå vindmølla på grunn av vinden.

– Så skjedde det som «Aksjonsgruppa for vern om Fitjarfjellet» gjentekne gonger advarte mot; Det vart utslett av giftig olje i fjellet.

– Drikkevassforsyninga for Fitjar kommune, Svartavatnet, ligg no midt i vindmølleland. Det finst inga skikkeleg reserve drikkevassforsyning dersom giftige utslepp når nedslagsfeltet til Svartavatnet,
skriv han i eit brev til miljøvernavdelinga hjå Fylkesmannen og vil vita kva Fylkesmannen vil gjera for å hindra at fleire slike ulukker skjer.

Tore Nesbø er brannsjef og ansvarleg i Fitjar kommune ved akutt ureining. Han meiner at denne brannen og oljeutsleppet ikkje kan utgjera noko fare for drikkevatnet.

– Grunnen rundt vindmølla vil absorbera denne olja, Men me har gjeve vindparken beskjed om at dei må skifta ut all massen som har absorbert olje.

– Men dersom det same hadde skjedd med ei anna vindmølle nærare drikkevasskjelda?

– Ja, det kunne vore meir kritisk. Men denne gongen er det ingen fare, seier Tore Nesbø.

Generatoren er tydelegvis heilt utbrend. Foto: HERGEIR TVEIT